TV Tasmant
Evit ur c'hleweled e brezhoneg ! - Pour un audiovisuel en langue bretonne !
Lennit, selaouit, sellit !
- Kemennadenn 1añ TV Tasmant - 1er communiqué de TV Tasmant
- 68 eurvezh e brezhoneg war Frañs 3 e 2008
- TV Tasmant war RCF
- Da lenn war armen.net - A lire sur armen.net
- An 3 doare da souten TV TASMANT - Trois manières de nous soutenir !
- TV Tasmant veut hanter la région
- Hag ur chadenn TV evit ar Vro ?
- Un chaîne de TV pour la Bretagne ?
- Ur film hir e kembraeg / Une fiction longue en gallois
- Souten a reont ac'hanomp / Ils nous soutiennent !
Rummadoù - Catégories
Piv omp ?
Liammoù - Liens
- TG4 Skinwel en iwerzhoneg
- BBC Alba e gouezeleg Bro Skos
- Omrop Fryslân skinwel ha skingomz e frizeg
- Festival ar mediaoù keltieg
- Via Stella
- S4C skinwel e kembraeg
- Uned 5 abadenn e kembraeg evit ar grennarded
- Euskal Telebista 1
- Ar Men
- Dizale
- Gwagenn TV
- Brezhoweb
- Kaouenn
- Tomm Tomm Tomm
- Urban Breizh
- An taol lagad
- Setu
- Radioioù e brezhoneg war ar web
- Frañs Bleu e brezhoneg
Dielloù
- octobre 2009 (2)
- septembre 2009 (2)
Abaoe forzhig
a vloavezhioù e klever ingal ul lugan boutin a-walc'h : « UN TV EVIT AR VRO ! ». Ne savomp ket a-enep ar mennozh-se met traoù a zo da vezañ
resisaet…
O vezañ distaget ar gerioù eeun-mañ e soñj da dud zo kaout AN DISKOULM evit ar c'hleweled e brezhoneg pe evit saveteiñ hor yezh. Pezh a zo, kaout ur chadenn TV a zo un dra, met kaout boued da lakaat e-barzh a zo un dra ken pouezus ! Chadennoù e leizh a zo e Breizh pa weler mat, met programmoù e brezhoneg n'eus ket kalz. Ne gav ket deomp ha goulenn groñs hiriv ur chadenn TV ouzhpenn a zo un diskoulm evit meur a abeg :
-
Da gentañ peogwir ez eo cheñchet gizioù ar sellerien asambles gant an teknologiezhioù. Gant ar web e vez al
lodenn vrasañ deus an dud yaouank – dindan 30 vloaz – o sellet muioc'h ouzh skramm o urzhiataer evit skramm an TV. Hag e penn-kentañ an emdroadur-mañ emaomp nemetken..!
-
Da eil omp kendrec'het eus ar fed ez eo efedusoc'h a-galz goulenn ma vefe krouet programmoù evit an holl
vrezhonegerien evit ma vefe krouet ur chadenn TV ouzhpenn. Ha petra a dalv ur chadenn TV hiziv an deiz ? Kavet e vez a bep seurt : chadennoù web, lec'hel... gant budjedoù bras pe vihan, …
arbennik war danvezioù zo pe ledan o fublik... Krediñ a reomp neuze ez eo poellekoc'h sevel un diazez programmoù ha skignañ anezho dre ar chadennoù hag a zo anezho dija (Frañs3, TV Roazhon
35, TBO, Ty-TV, TV Naoned, Brezhoweb...). Da betra servijfe krouiñ ur skigner ouzhpenn ma n'eus netra nevez da lakaat e-barzh ? Kenkoulz eo deomp kregiñ gant ar penn-kentañ : seveniñ an
diazez programmoù !
- Da drede e soñj deomp ez eo ret bodañ ar vrezhonegerien tro-dro d'ur raktres fetis ha resis ha n'eo ket gant ur mennozh dibosupl da seveniñ diouzhtu. Goulenn war-lerc'h ur chadenn TV hep derc'hel kont eus ur budjed, eus ur renabl programmoù pe c'hoazh eus ar gwir da sevel anezho a zo touellus evit ar vrezhonegerien. Ouzhpenn tregont vloaz zo eo bet boulc'het ar stourm-se ha neubeut a dra zo deuet da heul ar stourm-se. Kavout a reomp ez eo poent bras chañch an doare ha kinnig d'an holl re dedennet da sevel ur gwir gleweled e brezhoneg da harpañ ar raktres TV TASMANT...
Bremañ eo poent bras bezañ trec'h da vat war traoù fetis evit ar c'hleweled e brezhoneg. Breizh n'eo na Bro-Skos na Bro-Gembre. Evel just eo ret kemer skouer warno, klask kaout ar memes-tra evito, met ret eo bezañ tost eus ar gwirvoud ivez: ne vo ket krouet ur chadenn doare BBC Alba pe S4C warc'hoazh (daoust d'hon huñvreoù !). Hag ur chadenn evel Viastella ? Al lod vrasañ eus programmoù ar chadenn-se a zo e galleg, ha n'eo ket evit ar yezh-se e stourmomp hiriv.
Kredomp bezañ trec'h !
Ecrire un commentaire - Voir les 1 commentaires - Recommander